''प्रतिसाता २० घन्टाभन्दा अधिक समय टेलिभिजन हेर्ने पुरुषमा निकै कम टेलिभिजन हेर्ने वा हेर्दै नहेर्ने व्यक्तिको तुलनामा शुक्राणुको संख्या आधा हुने गरेको मंगलबार प्रकाशित एक अध्ययन प्रतिवेदनमा भनिएको छ ।'' अमेरिकी अनुसन्धानकर्ताहरूले यसका लागि १८ देखि २२ वर्ष उमेर समूहका १ सय ८९ युवकलाई उनीहरूको शारीरिक अभ्यास, खाना तथा टीभी हेर्ने बानीका विषयमा प्रश्न गरेका थिए । यसपछि उनीहरूको शुक्राणुको नमुना लिइएको थियो । अनुसन्धानमा प्रतिसाता २० घन्टाभन्दा बढी टीभी हेर्ने युवकमा निकै कम हेर्ने वा हेर्दै नहेर्ने युवकको तुलनामा ४४ प्रतिशत कम शुक्राणु फेला परेको थियो । शुक्राणु कम हुनुको प्रमुख कारण युवकले गर्ने शारीरिक अभ्यास पनि परेको बताइएको छ । यो अनुसन्धान प्रतिवेदन बि्रटिस जर्नल अफ स्पोर्टस मेडिसिनमा प्रकाशन भएको छ । प्रतिसाता १५ वा त्योभन्दा बढी घन्टा शारीरिक अभ्यास गर्ने युवकमा प्रतिसाता ५ घन्टाभन्दा कम शारीरिक अभ्यास गर्ने युवकमा भन्दा ७३ प्रतिशत बढी शुक्राणु देखिएको छ ।''
शुक्राणुको मात्रा निकै कम हुने पुरुषले महिलालाई सन्तान जन्माउन सहयोग गर्न सक्दैन् । अन्य धेरै मुलुकमा गरिएको अध्ययनमा हाल धेरै दशकपछि शुक्राणुको गुणस्तर घट्न थालेको देखिएको छ । यसको वास्तविक कारण हालसम्म फेला पर्न सकेको छैन तर पनि वैज्ञानिकहरू मानिसको जीवनशैलीमा भएको परिवर्तनका कारण यस्तो भएको अनुमान गरेका छ् ।
अध्ययनमा म्यासाचुसे्सको हावार्ड स्कुल अफ पब्लिक हेल्थका पोषण तथा रोग संक्रमणका सहायक प्राध्यापक जर्ज चारेभो पनि संलग्न थिए ।''
Posted by :
comments powered by Disqus
Post a Comment